BAB I
Goar, Inganan Tingki dohat Ojahan
(1)
Ia goar ni Punguan on ima: Punguan Pomparan Borsak Sirumonggur (Lumban Toruan) Anak, Boru dohot Berena Kota Medan, sektor 46 manang digoari BOSNA Sektor 46.
(2)
BOSNA Sektor 46 maringanan di Kelurahan Kwala Bekala dohot Kelurahan Simalingkar B, mulai sian Titi Al Azhar sahat rodi Parbatasan Perumnas Simalingkar nihaliangan ni sunge Babura.
(3)
BOSNA Sektor 46 jongjong di bulan Februari 1998. diresmihon gabe Sektor ni Kota Medan ari 11 Mei 1998. Alani ido Ulang Tahun ni punguan on Bulan Mei ganup taon.
BOSNA Sektor 46 songon dangka ni Bosna Pusat tunduk do tu Aturan dohot angka hatontuan na binahen ni Bosna Pusat.
BOSNA Sektor 46 manggarar kewajiban (iuran) do tu Bosna Pusat.
(4)
BOSNA Sektor 46 marojahan sesuai Anggaran Dasar ni BOSNA PUSAT, alai pinatangkas ma tambana marojahan tu:
- Hakristenon
- Adat Batak (Dalihan Na Tolu)
Keanggotaan
(5)
Na boi gabe Anggota ni Punguan on, ima sude Pomparan ni Borsak Sirumonggur (Lumban Toruan) Anak/Boru/Bere dohot syarat:
- Nunga marhasohotan
- Maringanan di luat songon na tarsurat di Pasal 2
- Tangkas marugamo Kristen jala porlu Adat Batak
- Mandaftarhon diri tu punguan, Manggarar Uang Pangkal dohot Iuran na Asing jala tunduk tu Aturan ni BOSNA Sektor 46
Syarat tambahan :
- Ingkon diboto tarombona (No Generasi, Asal, pomparan ni Ompu)
Pangurus ni Punguan
(6)
Punguan BOSNA Sektor 46 di uluhon Pangurus dohot susunan:
- Penasehat
- Pengurus Harian
- Seksi Adat
- Seksi Kerohanian
- Komisaris
Periode ni Pangurus hombar tu Anggaran Dasar BOSNA Pusat lelengna 3 taon.
(7)
Pangurus lengkap ima sude Pangurus mulai sian Penasehat sahat ro di Komisaris.
Pangurus Harian ima:
§ Ketua
§ Wakil Ketua
§ Sekretaris I
§ Sekretaris II
§ Bendahara
(8)
Ulaon ni Pangurus ima manguluhon Punguan BOSNA Sektor 46 siapari, mamingkiri, mananghapi (merencanakan) sipatupaon asa boi maju Pomparan ni Borsak Sirumonggur Boru dohot Berena.
Sada-sada on ma ulaon na be:
§ Penasehat
Mangalehon pamingkirion, dipangido manang daong.
Patingkoshon Keputusan ni Pangurus molo hurang singkop.
§ Ketua
Manguluhon Punguan, manusun Program Kerja dohot Kegiatan
Martanggung jawab tu bagasan nang tu ruar ni punguan
Manguluhon angka parrapoton.
§ Wakil Ketua
Mengurupi Ulaon ni Ketua, lumobi molo Ketua marhalangan
§ Sekretaris
Mangulahon angka surat-surat (administrasi) ni punguan.
§ Bendahara
Maniop, manyimpan arta dohot parhepengon ni Punguan
Mambahen Laporan Parhepengon, paling saotik sahali tolu bulan.
§ Seksi Adat
Mangatur partording ni angka ulaon/Pesta pinatupa ni Punguan manang Anggota.
§ Seksi Kerohanian
Manusun Acara Partangiangan dohot angka na hombar (Natal, Ulang Taon dohot na asing)
§ Komisaris
Manorushon haputusan ni Punguan tu sude anggota di komisarisna.
BAB II
Parartaon/Parhepengon
(9)
Parartaon/Parhepengon ni BOSNA Sektor 46 ima sude arta/hepeng ni Punguan. Ia sumber ni parartaon, parhepengon i, sian:
§ Uang Pangkal/Iuran/Guguan ni Anggota
§ Sumbangan sian anggota/luar anggota naso mangihot.
§ Angka na asing na so maralo tu AD/ART.
(10)
Sude arta/hepeng ni Punguan dipangke ingkon holan tu haporluaon ni anggota dohot punguan BOSNA Sektor 46.
(11)
Mardomu tu Rapot Anggota naung diolopi, balga ni Uang Pangkal dohot Iuran :
- Uang Pangkal Rp. 30.000,- (tolu pulu ribu rupiah)
- Uang Iuran Rp. 4.000,- (opat ribu rupiah) par bulan.
Balga ni Uang Pangkal dohot Iuran on, boi dipadenggan muse marhite Rapot Anggota.
BAB III
Ulaon (Kegiatan) ni Punguan
(12)
BOSNA Sektor 46 naeng manambori-nambori hasadaon ni Pomparan Sapanghalilaan diangka namasa nang pe las ni roha lumobi ma molo ro sitaonon/arsak ni roha.
BOSNA Sektor 46 mamingkirhon hamajuon ni anggota, lumobi angka naposo (Generasi Muda) asa tongtong ingot tu Adatna (Budaya) jala boi mangihuthon hamajuon ni zaman.
(13)
Patupaon ni BOSNA Sektor 46 ma:
§ Partangiangan sahali sabulan
§ Mangkobasi, mandohoti Ulaon/Pesta Adat na pinatupa ni Anggota
§ Mangulahon Adat na hombar tu Ulaon Sari/Saur Matua di angka anggota.
§ Maningkir angka na marsahit (manangiangkon)
§ Marhata togar-togar dohot angka na asing na hombar tu namasa di anggota
§ Mamestahon Ari Pesta/Natal hombar tu tingki.
§ Manogu-nogu angka naumposo (Generasi Muda) parbinotoon taringot Adat Batak, kemajuan zaman.
BAB III
Kewajiban dohot Hak ni Anggota
(14)
Kewajiban ni anggota :
§ Mangalehon roha, pingkiran dohot gogo na hombar tu kemajuan ni BOSNA Sektor 46
§ Tunduk tu Aturan ni Punguan
§ Mandohoti/manghobasi sude ulaon na pinatupa ni BOSNA Sektor 46
§ Ro tu partangiangan si sahali sabulan
§ Maningkir, manangianghon angka na marsahit
§ Mandungoi, mangapuli/marhata togar-togar molo adong anggota/keluarga ni anggota na monding
§ Manggarar iuran/guguan dohot na hombar tu namasa di BOSNA Sektor 46
§ Dohot angka na asing hombar tu keputusan Rapat Anggota/Rapat Pangurus
(15)
Hak Anggota
- Mamillit dohot dipillit gabe pangurus ni Punguan
- Mangido pamingkirion/pangurupion molo mangadopi parsoalan/masalah lumobi sian luar ni punguan.
- Manjalo pangurupion sian punguan molo masa angka Ulaon manang sitaonon/arsak ni roha.
Partording ni Pangurupion sian Punguan
(16)
Molo adong parsoalan/masalah ni Anggota naingkon siuruson ni Punguan, dipatupa ma Rapot Pengurus manontuhon aha na naeng siulahononhon.
Molo Masa Arsak ni Roha
a) Monding Anggota
§ Hobasan ni Punguan ma Ulaon hombar tu parmondingon ni anggota
§ Pasahaton ma sumbangan balgana Rp. 500.000,-
§ Mangapuli/Marhata togar-togar dung piga-piga ari
b) Monding Ianakhon ni Anggota
§ Hobasan ni Punguan ma Ulaon hombar tu parmondingon ni anggota
§ Pasahaton ma sumbangan balgana Rp. 250.000,-
§ Mangapuli/Marhata togar-togar dung piga-piga ari
c) Monding Natua-tua ni Anggota (molo di wilayah BOSNA Sektor 46 wajib punguan mambahen Acara)
§ Pasahaton ma sumbangan balgana Rp. 150.000,-
§ Mangapuli/Marhata togar-togar dung piga-piga ari
d) Masa Parsahiton di Anggota/Ianakhon ni Anggota
§ Tingkiron/Tangianghononhon ni Punguan
§ Pasahaton ma sumbangan balgana Rp. 100.000,-
e) Bencana Alam (Banjir/Kebakaran dohot na asing)
Dipatupa ma Rapat Pangurus jala ditontuhon ma aha nanaeng siulahonon hombar tu namasa i.
Molo Masa Ulaon Las ni Roha
a) Manggarar Adat Anggota
§ Hobasan ni Punguan ma Ulaon hombar tu Ulaon i
§ Pasahaton ma Tumpak balgana Rp. 200.000,-
(Molo diluar ni Kota Medan, Rapot Pangurus ma manontuhon muse)
b) Pangolihon Anak Anggota (Langsung Mangadati)
§ Hobasan ni Punguan ma Ulaon hombar tu Ulaon i
§ Pasahaton ma Tumpak balgana Rp. 100.000,-
(Molo diluar ni Kota Medan, Rapot Pangurus ma manontuhon muse)
c) Pamulihon Boru Anggota (Langsung Mangadati)
§ Pasahaton ma Ulos sa argani Rp. 100.000,- (tu suhut ma dipasahat hepengi, suhut ma na manuhor ulosna)
(Molo diluar ni Kota Medan, Rapot Pangurus ma manontuhon muse)
Angka Rapot/Keputusan
(17)
Rapot Anggota do na tumimbo mambahen sude keputusan di BOSNA Sektor 46, ima:
§ Mamillit Pangurus
§ Manontuhon Anggaran Rumah Tangga
Rapot Pangurus Lengkap:
§ Manontuhon siulahonon molo adong parsoalan na diadopi Anggota BOSNA Sektor 46
Rapot Pangurus Harian:
§ Manontuhon angka kegiatan siapari ni punguan
Rapot Anggota dipatupa:
§ Tingki Partangiangan hombar tu haporluanna
§ Tingki Pesta Ualang Taon
Molo adong rapot anggota ingkon mardalan do Undangan
Rapot Pangurus Lengkap ingkon didohoti Penasehat, Pangurus Harian, Seksi seksi dohot Komisaris. Dipatupa hombar tu haporluanna.
Rapot Pangurus nanidohotan ni Ketua, Sekretaris, Bendahara boi dohot Seksi dohot Komisaris hombar tu haporluanna.
Sanksi
(18)
Molo adong anggota dang mandohoti partangiangan 3 hali marturut-turut, dianggap ma naung mundur sian Punguan Bosna Sektor 46 on
Molo dang digarar iuran bulanan 6 bulan marturut-turut, dianggap ma naung mundur sian Punguan Bosna Sektor 46 on
Aturan Na Asing
(18)
Ruhut-ruhut ni haporluan naso diatur dope di Anggaran Rumah Tangga on, diatur mai muse dohot hatorangan na niharuarhon ni pangurus, asal ma ndang maralo tu isi dohot lapatan ni Anggaran Rumah Tangga ni Punguan, pinasahat ma tu Pangurus mamingkirhon, mambahen keputusan na hombar alai dang jadi maralo tu ART on.
Panutup
(19)
Songon ima Anggaran Rumah Tangga ni BOSNA Sektor 46 on dibahen, asa gabe ojahan di Pangurus nang Anggota laho mangulahon hombar tu haporluanna di Punguan on.
Medan, 28 Mei 2010
Pangurus Periode 2007-2010
Ketua | Wakil Ketua | Sekretaris I | Sekretaris II | Bendahara |
J.B.Lumban Toruan | Drs.A.Sihombing | H.Sihombing | G.Sihombing,SH | T.Gultom |
Seksi Adat | |
H.Sihombing | B.Lumban Toruan |
Penasehat | |
H.Lumban Toruan | M.Sihombing |
Komisaris 1 | Komisaris 2 | Komisaris 3 | Komisaris 4 |
S.Sihombing | M.Situmorang | B.Tampubolon | J.Silaban |
Tidak ada komentar:
Posting Komentar